/166/ sunt, ergo non ex elementis anima conflata
est. Nihil est enim in re quapiam, quod non
fuerit actu quoque in eiusdem principiis.
Principia namque sunt actus eorum, quorum
sunt principia. Minor quoque ex Aristotele
probatur qui, in 2. De generatione animalium, animam
adeo agnoscit divinam, ut nefas putarit illam,
sine medio, dicere corpori corruptibili connexam,
quo videlicet hoc eidem conciliaretur.
Illud vero medium, cum coeleste quoddam
corpus dicat esse, idem de anima ipsa
sensisse manifestum est.
Tertia: Ex nihilo nihil fit. Ergo animam
immortalem dicamus oportet. Consecutio
probatur subtilissime: Si non fit aliquid ex
nihilo, ex aliquo non fit nihil. At, si anima interiret,
ex aliquo fieret nihil, cum enim sit
simplex, neque in principia (nullum enim habet)
resolvatur, ad nihilum necessario redigetur.
EXERCITATIO XXVIII
Argumenta dissolvit Epicureorum.
Primum erat id: Si Deus est nostri providus,
non est summe beatus. Consequens
est falsum, ergo et antecedens. Respondeo
negando sequelam maioris. Probatio